Monthly Archives: ఫిబ్రవరి 2016

మీనాక్షి  ఊసులు:-

ఫిర్ వహి శ్యాం…!

నాకు ఎందుకో  రోజూ ఒకేలా నడుస్తూ  వుంటే ఏవిటో మరగ కాచిన కాఫీ తాగినట్లు అస్సలు బాగుండదు. అందుకే రంగోలి అనే  ప్రోగ్రామ్ని చూడడం మానేసాను పెళ్ళైయ్యాక! వివాహం కాక  ముందు నాన్నగారితో కలిసి పేపర్ చదువుతూ , కాఫీ సిప్ చేస్తూ, మద్ధ్య లో  మద్ధ్య  లో ఆయనతో పేపర్ కోసం పోట్లాడుతూ  ప్రోగ్రామ్ని చూసేదాన్ని.అవన్ని లేక పోవడంతో పెళ్ళితో రంగోలి కి స్వస్తి చెప్పేసాను.

ఈ మధ్యనే  ఎందుకో పాత అలవాటుని మళ్ళీ ఆనుకోకుండా అక్కున చేర్చుకున్నాను 20 ఏళ్ళ తరువాత.చాలా కాలం తరువాత పీల్చిన మట్టి వాసనలా అనిపించింది.బాగుంది.అన్నట్లు ఇప్పుడు నా తో శ్రీవారు కూడా దివానుపై శయనించి రంగోలి వీక్షించి ఇష్టమైన పాట వస్తే ముసి ముసి నవ్వుల మురిసి పోతుంటారు.ఈ రంగోలి బాగానే వుంది! ఆనుభవాలు పాతవే. .అవి మిగిల్చిన అనుభూతులు ంఆత్రం వర్ణనకు అసాధ్యం!

వ్యాఖ్యానించండి

Filed under Uncategorized